TOMOHON, SULAWESION COM – Wali Kota Tomohon yang diwakili oleh Asisten Pemerintahan dan Kesejahteraan Rakyat Drs. O. D. S. Mandagi, M.A.P. menghadiri ibadah syukur inkulturasi selesainya rangkaian kegiatan Dinas Pendidikan dan Kebudayaan Daerah Kota Tomohon. Senin (18/09/2023), di Gereja GMIM Kakaskasen Eben Haezer. Khadim Pdt. Audy Sewow, M.Th.
Dalam sambutannya, Mandagi mengatakan Torang samua musti bilang makase pa torang pe Tuhan Yesus Kristus, lantaran ini hari jadi hari yang istimewa, yang mana torang mo syukuri tu keberhasilan deng campur tangan Tuhan di rangkaian kegiatan pemerintah Kota Tomohon lebih khusus Dinas Pendidikan dan Kebudayaan Daerah, antara lain festival dan pagelaran seni budaya dalam rangka TIFF 2023, olimpiade sains nasional (OSN), olimpiade olahraga siswa nasional (O2SN), festival lomba seni siswa nasional (FLS2N) deng gala siswa indonesia (GSI).
“Torang samua so sama-sama kerja keras, bakubantu, deng berkompetisi for mo hadirkan yang paling bagus for kota tomohon. Deng beking kegiatan-kegiatan ini, torang nyanda cuma beking kuat tu torang pe pendidikan deng kebudayaan, mar sama deng mo buka jendela for dunia kong dorang bole dapa tau tu kekayaan intelektual deng budaya yang torang kota tomohon punya,” kata Mandagi mengutip sambutan Wali Kota Caroll Senduk
Dikatakannya, festival deng pagelaran seni budaya so bawa pa torang di perjalanan yang nda mo dapa lupa, beking torang samua senang deng beking tatamba torang pe pengetahuan tentang macam-macam seni deng budaya di kota tomohon.
Selain itu, kegiatan OSN, O2SN, FLS2N, dan GSI jadi bukti nyata yang mana torang pe generasi muda yang berbakat deng berdedikasi tinggi di macam-macam bidang ilmu, seni deng olahraga, di proses ini torang so belajar tu semangat persaingan yang sehat, cara ja hargai orang laeng pe karya, deng tentang bagimana torang bole terus berkembang deng mo perbaiki torang pe diri. torang samua so kase lia tu kerja keras, dedikasi, deng semangat kolaborasi yang nyanda perna surut, biar lei di tenga tantangan deng keterbatasan.
So itu no, di prayaan syukur ini, kita mo kase apresiasi pa samua peserta didik, kepala skolah, guru, pelatih, orang tua, deng samua pihak yang so ambe bagian for kelancaran deng sampe sukses samua tu kegiatan pemerenta kota tomohon. Samua ini boleh berhasil lantaran ada kerja sama deng kerja keras torang samua.
